يا بلاد مفكيش غير العجب
ثار الشعب
هدأ الشعب
نام الشعب
تلاتين سنه واقف هنا
فين أنا
فين الهنا
ده خيرك يا مصر يكفى ناس
مليون سنه
خيرك يا مصر راح وأنسرق
وقطرك بشعبك فى العيد
أنحرق
فين خيرك لشعبك المطحون
مش شايفه على جبينه
العرق
فين عمى وفين أخويا
بيجروا على عشهم فى غربة الدنيا
ورغم المتاعب كان مصيرهم برضه
الغرق
......
يا سكرى يا فللى
يا أحلى جبل
قولى فين راح الدهب
قولى كام واحد نهب منك دهب
ا بلاد مفكيش غير العجب
أيه السبب فى الدهوله
قول يا وله أيه السبب
مبقتش قادر على الأدب
هصرخ وسب مية واحد سلب
يا بلاد مفكيش غير العجب
كان يا مكان من زمان ...
يجى يومين كدا
عندنا ثورة .. ثورة !
ثورة
عتوله
من ده علولا
فيها الشعب انداس وتهان
وبعد الشهدا والغليان
قام بركان ووراه زلزال
هز العرش وكان يا مكان
كان فيه الحسنى وايا سوزان
يلا نخلع فى السلكان
قبل ما تيجى علينا الثورة
ونصبح ماضى فى خبر كان
يلا نسيب كل الدكان
أصل العسكر فيه طمعان
حكم العسكر برضو كويس
بس مهيس
عايز بس الحسنى معاه
أصل معونة عمو السامى
حلوة كبيرة وكمان عجباه
طب والشعب
مين الشعب !
دوس عالشعب مين وياه
القوسى نارُ بلا رماد
1 / 11 / 2011
