مرشحاً للرئاسة وليس مرشحاً للزواج من بنتك ........... والله الأخوة قوالين كلام على الفاضى والمليان
مفيش غيره ينفع
أنت متعرفش "مرحشنا"
قلتله أنهو واحد فيهم
لاقيته قفش !!!
أنا هعرفك وهات يا تواشيح وأنعره وتهليل وتلميع ... وقالى أحنا عندنا برنامج يجيب نهضة
أقوله طب البرنامج بتاع النهضة ده من أللى أعده
يبص بحدة كدة بقولك الراجل حافظ القرأن الكريم وكان فى مكانة عالية جداً فى وكالة ناسة الأمريكية.
قولته أمريكية ؟
قالى مش أمه ده الوكالة هى اللى أمريكية
ودرس فى خمس جامعات عالمية ...
أقوله طب والبرنامج النهضة خيالى ولا واقعى
.. يبص بحدة بقولك الراجل ده ميه ميه وأبن ناس وعندة فلوس يعنى مش هيبص على فلوس الشعب ..
أبص كدة وأقوله طب والبرنامج ...
قالى أيوة هيطلع يوم الأربعاء والخميس من الساعة 9 : 12 على سى بى سى
أقوله لما الراجل كدة ميه ميه و (خيرت) الرجاله زى ما أنت بتقول، ليه مرشحتوش من الأول بدل ما يبقى أستبن .
لآقته قفش أوى ...
وقال هرد عليك برضه هو أنت فكرنى هسيبك تعرف اللى أنت بتقول عليه أستبن ده حج كام مرة وثم هو لم يسعى لها ، و هى كمان اللى جت لحد عنده
قولته أيه العربيه ؟ ...
قالى عربية أيه يا عم "الرياسة" هى أللى جتله
وكمان الناس اللى أحسن منى ومنك بيدعموه ...
قلت أحسن منى ...
قالى ايوة ، ناس أحسن منى ومنك قالوا كدة
كنت هقوله كلمة أبيحة بس غيرت رأئى
وقولته مين دول؟
قالى أصل "المرشد"
قولته "مرشد" أنتو مصريين ولا سياح يا سيدنا
قالى الجماعة ....
قولته بقولك أيه جماعتك أنت أحسن منك أه ، لكن كل واحد حر فى جماعته .
قالى يا جدع جماعة المسلمين
قولته على كده بقى دول مبيغلطوش
قالى طبعاً بس أنت قول "نعم" وأختار "الميزان" عشان الأستقرار
قولته أه
سلمت عليه بيدى وخدته بالحضن وقولته ده فرصة بنت وسخة يا كابتن ।
القوسى ناراٌ بلا رماد
10 / 5 / 2012
ليست هناك تعليقات:
إرسال تعليق