ذات ملكية
يعنى أيه سعودية ( أرض الحجاز ) :: يعنى واحد أسمه محمد أل سعود صحى بدرى قال البلد ده بتاعتى أنا وعائلتى وانا ذات ملكية وهسميها السعودية (سميت سنة 1932م ) ... كلام جميل... بس ده عند أمكوا يا أدهم .. لكن علينا لأ ياغجر يا موالين مبارك وبن على
حلم
يعنى عندنا فى مصر زمان الملك فاروق طبعاً ده كان أخر عيل ملك يصحى ويعلن عن أجتماع مهم لجميع الوزاء و الحاشية التابعه ويجتمع بجميع الوزارء وزير وزير .. نفر نفر وبعد ما يتلوا الكلمة التقديمية عن الأجتماع فى الأذاعة المصرية عن أفتتاح الأجتماع العاجل المهم الخطير المكير يقوم روقه من على الكرسى المدهب الضخم الذى يترأس ترابيزة الأجتماعات والتى طولها حاولى 50 متر ( طبعاًَ خمسين متر مش ملك ياناس ) قايل بصوت نبرته واثقة ذات ملكية مصر هنغير أسمها وهتبقى """ المملكة العربية الفاروقية """ صوتى يا ولية وبقينا فاروقية وقمت أنا غيرت البيجامة ( مكنش فيه ترنجات سعتها ) ولبست الطربوش والبدلة التمام وحطيت علم مصر الأخضر أبو تلات نجوم على ظهرى وركبت التروماى و نزلت ميدان التحرير بتاع زمان وعلقت على صدرى يافطة كاتب عليها """ نهاركم سعيد يا أفندية هيغير الأسم أبن الحرامية وهيخليها فاروقية """". ودعيت لملونية ( هى هى ) وكان الهتاف مصر هى هى مش هتبقى فاروقية زى السعودية . وطلعت الحاشية ( الفلول مستقبلاً ) فى الأذاعة وقالوا على أنى بأخذ فى اليوم نص ريال ووجبة فول من أخر ساعة .
خيال
أقوم يا بنى أصحى بقينا الظهر الحاجة بتصحينى الساعة 7.5 وتقول ظهر ، قمت وقلت ضهر ضهر أدينى قمت ، قلت أبلس بسرعة عشان اروح الشغل لأحسن العشاء يأذن ، قالت الحاجة النهاردة هعملك أكلة بقى هتأكل صوابعك وراها ، قلبت حواجبى كدة وقلت صوابعى ممممم خلى الطابق مستور ياحاجة ، قالت و كمان من فلوسى وحسابى يعنى هتأكل بلوشى النهاردة يا واد ،
جت الساعة 5 مساءاً موعد أنصرافى من الشغل والمغرب والعشاء لسة مأذنوش ( 7.5 الصبح قوم بقينا الضهر ) قلت أتصل بالحاجة الواحد واقع من الجوع قالتلى تعلا يا حبيبى أنا خلصت خلاص ، حب أستطلاع كدة خلانى سألتها أكلة أيه اللى على حسابك يا حاجة ده
قالتلى عملتك النهاردة رز وشلبيه .. أيه أيه أستنى يا حاجة أنتى قلتى أيه قالتلى رز وشلبيه .. ، قولتها وتطلع أيه شلبيه ده قالت لما تيجى هتعرف .
ورجعت البيت ودخلت وغيرت ومستنى على السفرة والحاجة رايحة جاية جابت رز وملوخية وفراخ محمرة وسلطة خضار لذيذة وشيبسى بيتى وطرشى بلدى وفاصوليا خضرا .. وجت قاعدة جنبى عالسفرة ، قلت ايه يا حاجة فين الشلبيه ده ، قالت ماهى قدامك ، قولتها ده الملوخية بقى أسمها شلبيه ، قالتلى أنت واد جاهل وتفضل طول عمرك جاهل هو أنت يا واد مسمعتش عن ( ذات الملكية ) قولتها الله يخرب بيوتهم ، قالت الملوخية ده بقى أنا اللى طبختها وجايبها من الغيط بتاعى وأنا اللى زراعها ،، فحبيت أستخدم حقى فقلت مش هى بتاعتى أنا بقى هسميها """شلبيه """واللى مش عاجبه هجلده عشرين جلدة وحبسه سنة ، أه ده أنا ( ذات ملكية ) . !!!!! أه ياولاد المره.
أخيراً
كيف سميت بلاد الحرمين بالسعودية وكيف سعدنوا البشر أو أرادوا أن يسعودنوا هذا الشعب أهل الحجاز أرض العرب
بعدين عشان محامى شهم بيطالب بالكرامة للمصريين والسجناء دون وجه حق فى السجون السعودية رافع قضية على الحكومة السعودية يغدروا بيه ويلبسوه قضية أهانة شخصية ( ذات ملكية ) وأحنا كمصر أساساً كرمتنا ضاعت فى عهد مبارك .. حسبنا الله ونعم الوكيل .
القوسى ناراٌ بلا رماد
23 / 4 / 2012
ليست هناك تعليقات:
إرسال تعليق